عمران خان کی ویڈیو بنانے والا سوشل میڈیا کارکن حراست میں

عمران خان  کی واپسی کی ویڈیو بنانے والا سوشل میڈیا کارکن حراست میں

راولپنڈی: بانی پی ٹی آئی Imran Khan کی پمز ہسپتال سے واپسی کی ویڈیو بنانے والے ایک سوشل میڈیا کارکن کو حراست میں لے لیا گیا۔

ذرائع کے مطابق منگل کے روز اڈیالہ جیل کے قریب داہگل ناکے سے حیدر سعید نامی نوجوان کو تحویل میں لے کر اڈیالہ پولیس چوکی منتقل کر دیا گیا۔

اطلاعات کے مطابق مذکورہ نوجوان نے عمران خان کی واپسی کی ویڈیو سوشل میڈیا پر شیئر کی تھی، جس کے بعد اسے حراست میں لیا گیا۔ پولیس کی جانب سے باضابطہ مؤقف سامنے نہیں آیا تاہم مزید تحقیقات جاری ہیں۔

ذرائع کا کہنا ہے کہ واقعے کے بعد سوشل میڈیا پر بھی مختلف ردعمل سامنے آ رہا ہے جبکہ قانونی پہلوؤں کا جائزہ لیا جا رہا ہے۔

عمران خان کو نظر نہیں آ رہا، علیمہ خان کا بیان

عمران خان کو نظر نہیں آ رہا، علیمہ خان کا بیان

عمران خان کو نظر نہ آنے کا پیغام، ذاتی ڈاکٹروں تک رسائی کا مطالبہ: علیمہ خان

نی پی ٹی آئی Imran Khan کی ہمشیرہ Aleema Khan نے دعویٰ کیا ہے کہ عمران خان نے پیغام دیا ہے کہ انہیں نظر نہیں آ رہا اور ان کے ذاتی ڈاکٹروں کو فوری رسائی دی جائے۔

اڈیالہ جیل کے قریب داہگل ناکے پر میڈیا سے گفتگو کرتے ہوئے علیمہ خان کا کہنا تھا کہ آج بھی ملاقات نہیں کروائی گئی اور بانی پی ٹی آئی کو قیدِ تنہائی میں رکھا گیا ہے۔

انہوں نے کہا کہ جب تک عمران خان کے ذاتی معالجین معائنہ کر کے رپورٹ نہیں دیتے، وہ کسی سرکاری بیان پر یقین نہیں کریں گی۔ ان کا مطالبہ ہے کہ مکمل طبی معائنہ فیملی اور ذاتی ڈاکٹروں کی موجودگی میں کیا جائے۔

عمران خان کی بہن Dr Uzma Khan نے بھی کہا کہ اگر کوئی بیماری ہے تو اسے سامنے لایا جائے اور حقائق چھپانے کے بجائے شفاف معلومات فراہم کی جائیں۔

ذرائع کے مطابق خاندان نے واضح کیا ہے کہ جب تک عمران خان کو اسپتال منتقل نہیں کیا جاتا اور مکمل میڈیکل چیک اپ نہیں ہوتا، وہ حکام کے مؤقف کو تسلیم نہیں کریں گے۔

راولپنڈی جعلی ویکسین سرٹیفکیٹ اسکینڈل بے نقاب، مجرم پکڑے گئے

عمران خان آنکھ کا علاج: عمران خان کا پمز میں آنکھوں کامعائنہ

عمران خان آنکھ کا علاج

عمران خان کا پمز اسپتال میں آنکھوں کا دوسرا معائنہ،

انجیکشن کی دوسری خوراک دیدی گئی بانی پی ٹی آئی عمران خان کو آنکھ کےعلاج کے فالو اپ کےلیے پمز اسپتال منتقل کیا گیا۔ ایگزیکٹو ڈائریکٹر پمز کے مطابق بانی کو 24 فروری کو اڈیالہ جیل سے پمز اسپتال منتقل کیاگیا جہاں بانی پی ٹی آئی کو اینٹی وی ای جی ایف انٹرا وٹرئیل انجکشن کی دوسری ڈوز دی گئی۔ پمز اسپتال کے مطابق ڈوز دینے سے قبل کارڈیالوجسٹ کنسلٹنٹ نے ایکوگارڈیوگرافی اور ای سی جی کیا جس کے نتائج نارمل آئے۔ اسپتال میں قیام،پروسیجرکےدوران اوربعد میں بانی کے وائٹل مستحکم رہے جبکہ کنسلٹنٹ فزیشن نے بھی انہیں طبی طور پر مستحکم قرار دیا۔ پمز اور شفا آئی اسپتال کےکنسلٹنٹ اوفتھلمولوجسٹ اور کنسلٹنٹ وائٹریو ریٹینل سرجن کی رہنمائی میں پروسیجرعمل میں لایا گیا۔ یہ عمل ڈے کیئر سرجری کے طور پر انجام دیا گیا، پروسیجر سے پہلےاسپیشلسٹس کے بورڈ نے معائنہ کیا۔ اسپتال اعلامیےکے مطابق معائنے کے بعد بانی پی ٹی آئی کو ضروری ہدایات، فالو اپ مشورے، نسخے اور دستاویزات کے ساتھ ڈسچارج کر دیا گیا۔
#imrankhan #ptinews #punjabnews

ٹی 20 ورلڈکپ: پاکستان انگلینڈ ٹی 20 میچ آج کھیلا جائے گا